+7 (777) 001 44 99
Қазақша
Русский
English
06 сәуір 2022 | 15:30
Алматы маңындағы тасжолда жолаушылар автобусы 9 көлікке соқтығысты
Алматы-Жандосова тасжолында тежегіші істен шыққан жолаушылар автобусы тоғыз көлікпен соқтығысты, - деп хабарлайды Tengrinews.kz тілшісі.
ПОДЕЛИТЬСЯ
Алматы-Жандосова тасжолында тежегіші істен шыққан жолаушылар автобусы тоғыз көлікпен соқтығысты, - деп хабарлайды Tengrinews.kz тілшісі.
Куәгерлердің айтуынша, Жоғарғы Қаскелең тасжолында жол апаты болған. Олар автобус бірнеше көлікке соғылғанын айтты.
Алматы облысы полициясының баспасөз қызметі мәліметінше, 6 сәуірде сағат 11:30-да Қарасай ауданында жол-көлік оқиғасы болған.
"Алматы-Жандосова тасжолында ЛиАЗ автобусының 35 жастағы жүргізушісі тежегіш істен шығып, жолда келе жатқан тоғыз көлікпен соқтығысқан (Toyota Camry, Nissan Patrol, Toyota Gracia, Kia Rio, Subaru Legacy, Toyota Carina, трактор және екі Mercedes-Benz)", - деді полиция өкілі.
Полиция мәліметінше, апаттан бірнеше адам, соның ішінде жолаушылар мен жүргізуші зардап шеккен. Олар медициналық тексеруден өту үшін Қаскелең ауруханасына жеткізілген. Оқиға орнында патрульдік полиция мен тергеушілер жұмыс істеп жатыр.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
