+7 (777) 001 44 99
Қазақша
Русский
English
Қазақша
Русский
English
Алматы облысында автобус жүргізушісін ұрып-соққан екі ер адам ұсталды, - деп хабарлайды Polisia.kz порталы.
Дереккөз мәліметінше, оқиға 20 желтоқсанда Іле ауданы Жетіген ауылында болған. Бұл дерек Іле аудандық полиция басқармасында тіркелді.
Тексеріс барысында жанжал жолаушы мен жүргізуші арасында шыққан. Автобус камерасына түсірілген видеоға қарағанда, екі ер адам сөзге келіп қалған. Оның соңы төбелеске ұласқан.
"Кейін жолаушы ұлына хабарласқан. Ол досымен бірге келген. Екеуі жүргізушіні бірнеше рет ұрған. Күдіктілер ұсталды, олардың кім екені анықталды. Олар - Талғар ауданы Нұра ауылының тұрғындары, яғни жолаушының 28 жастағы ұлы және оның 21 жастағы досы", - делінген хабарламада.
Сот-медициналық сараптама қорытындысына сәйкес, автобус жүргізушісі жеңіл жарақат алған.
Дереккөз мәліметінше, бұл жағдай бойынша ҚР Әкімшілік құқық бұзушылық кодексінің 73-1-бабы бойынша іс қозғалды. Қажет шешім қабылдау үшін іс сотқа жіберілді.
Ұсталғандардың автобус жүргізушісінен кешірім сұрағаны айтылады.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
