+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Алматы облысында 58 жастағы тұрғылықты үйі жоқ ер адамды соққыға жыққан екі жасөспірім ұсталды, - деп хабарлайды Тengrinews.kz тілшісі облыстық полиция департаментінің баспасөз қызметіне сілтеме жасап.
Алматы облысында 58 жастағы тұрғылықты үйі жоқ ер адамды соққыға жыққан екі жасөспірім ұсталды, - деп хабарлайды Тengrinews.kz тілшісі облыстық полиция департаментінің баспасөз қызметіне сілтеме жасап.
Оқиға Қапшағай қаласында тіркелген, онда тұрғылықты мекен-жайы жоқ ер адам жергілікті ауруханаға коматозды күйде түскен. Полиция қызметкерлері жәбірленушінің орталық қалалық саябақта қатты соққы көргенін және ауыр халде ауруханаға жеткізілгенін анықтады.
"Қапшағай полицейлері куәгерді тапқан. Ол жәбірленушінің екі жас баламен жанжалдасу салдарынан жарақат алғанын айтты. Жедел іздестіру шарасы барысында жергілікті кешкі мектептің 17 жастағы оқушылары болып шыққан күдіктілер ұсталды және қалалық полиция бөліміне жеткізілді. Қазір ер адамға қатысты кәмелетке толмағандардың мұндай қадамға баруының себебін анықтап жатыр. Күдіктілердің екеуі де әзірге қамауға алынды", - деді Алматы облысы ІІД баспасөз қызметі.
Жәбірленушінің жағдайы ауыр, ол комада жатыр. Қапшағай полиция бөлімінің тергеушілері денсаулыққа қасақана ауыр зиян келтіру дерегі бойынша тергеу шараларын жүргізеді.
