+7 (777) 001 44 99
Қазақша
Русский
English
Қазақша
Русский
English
Алматы облысында болған жантүршігерлік оқиға салдарынан бір адам қаза тауып, екеуі жарақат алды, - деп хабарлайды Tengrinews.kz тілшісі.
Алматы-Шелек-Қорғас тасжолында жүк көлігі мен жеңіл көлік соқтығысты. Оқиға орнынан түсірілген видео әлеуметтік желіде тарап жатыр. Кадрлардан Toyota ауыр жүк көлігі тіркемесінің астына кіріп кеткені көрінеді. Облыстық полиция жол апатынан 47 жастағы ер адамның қаза тауып, екеуі жарақат алғанын хабарлады.
"Алматы-Шелек-Қорғас тасжолы бойымен келе жатқан Toyota көлігінің 53 жастағы жүргізушісі тоқтап тұрған Volvo жүк көлігімен соқтығысты. Жол апатынан жеңіл көлікте болған 47 жастағы жолаушы оқиға орнында қаза болды. Жүргізуші мен тағы бір жолаушы да түрлі жарақатпен Шелек ауылдық ауруханасына жеткізілді. Дерек бойынша Қылмыстық кодекстің 345-бабы 3-бөлігі бойынша тергеу басталды", - деді полициядағылар.
Ведомствода қылмыстық іс аясында жол-көлік оқиғасының барлық мән-жайын объектив тексеру үшін қажетті сараптамалар тағайындалғанын қосты.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
