Алматы облысында көлік түгі қалмай өртеніп кетті: екі адам қаза тапты

Алматы-Қорғас тасжолында көлік өртеніп кетті. Көлік ішінде болған екі адам қаза болды, - деп хабарлайды Tengrinews.kz тілшісі Алматы облысы ТЖД баспасөз қызметіне сілтеме жасап.

"3 маусымда сағат 17.59-да Алматы облысының Төтенше жағдайлар департаментіне Алматы облысы Еңбекшіқазақ ауданында, Алматы-Қорғас тасжолының 82-ші шақырымында жеңіл автокөлік өртенгені туралы хабар түсті.

Оқиға орнына Алматы облысылық ТЖД-ның 4 қызметкері мен 1 техникасы аттанды, өртенген көлікке жақын жердегі өрт сөндіру бекеті 45 шақырымда болды.

Өртенген автокөлік салонынан екі жолаушының күйген мәйіті табылды", - делінген хабарламада.

Қайғылы оқиғаның видеосы Instagram желісінде жарияланды.

Мамандар өрт қалай шыққанын анықтап жатыр. 

Өрттің шығу себебін анықтау үшін Алматы облысы ТЖД өрт-сынақ зертханасы жұмылды. Оқиғаның мән-жайын тиісті органдар да тексеріп жатыр.

Облыстың Төтенше жағдайлар департаменті тұрғындардан өрт қауіпсіздігі ережелерін сақтауды сұрады.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!