Алматы облысы Түрген ауылындағы Архангел Михаил шіркеуінде өрт шықты, - деп хабарлайды Tengrinews.kz тілшісі.
Бұл мәліметті ҚР ІІМ ТЖК ресми өкілі Руслан Иманқұлов растады.
Өртің суреттерін Tengrinews.kz редакциясына куәгерлер жолдады.
"Бүгін сағат 15.00-де Алматы облысы Еңбекшіқазақ ауданы Түрген ауылында шіркеудің өртенгені жайлы хабар келді. Өрттің аумағы анықталып жатыр. Шіркеу ағаштан жасалған. Өртті сөндіруге жақын маңдағы өрт сөндіру бөліміндегілер жұмылдырылды", - деп хабарлады Руслан Иманқұлов.
