+7 (777) 001 44 99
Қазақша
Русский
English
Алматы полициясы Шевченко көшесінде велосипедшіні қағып кеткен жүргізушіні іздестіріп жатыр, - деп хабарлайды Tengrinews.kz тілшісі қалалық ІІД баспасөз қызметіне сілтеме жасап.
Жүргізуші оқиға орнынан жасырынған. Оқиға 11 қыркүйекте сағат 18.14-те Наурызбай батыр мен Сейфуллин көшелерінің қиылысында болған. Куәгерлердің айтуынша, қоңыр түсті Toyota Land Cruiser жүргізушісі велосипедшіні қағып кеткен, оқиға орнынан жасырынған.
Алматы қалалық ІІД жол-көлік оқиғасы дерегін растады.
"Бұл оқиға кеше болды. ҚР Әкімшілік құқық бұзушылық туралы кодексінің 610 және 611-баптары бойынша екі хаттама толтырылды. Қазіргі уақытта іздестіру бөлімі көлікті іздестіріп жатыр. Велосипедші зардап шеккен жоқ", -деді полициядағылар.
