+7 (777) 001 44 99
Қазақша
Русский
English
06 ақпан 2023 | 12:34
Алматыда 11 жастағы қыздың асқазанынан бір келі шаш алынды
Алматыда дәрігерлер шұғыл ота кезінде 11 жастағы қыздың асқазанынан бір келі шаш алды, - деп хабарлайды Tengrinews.kz тілшісі.
ПОДЕЛИТЬСЯ
Алматыда дәрігерлер шұғыл ота кезінде 11 жастағы қыздың асқазанынан бір келі шаш алды, - деп хабарлайды Tengrinews.kz тілшісі.
Жасөспірім шұғыл түрде ауруханаға жеткізілген.
"Баланы бір апта бойы іш ауруы, құсу, тәбетінің болмауы, жалпы әлсіздік мазалаған. Ауруханаға жатқызар алдында қыз асқазан-ішек жолдарының бұзылуына байланысты амбулаторлық ем алды", - дейді Балаларға шұғыл медициналық көмек көрсету орталығының іріңді және кеуде хирургиясы бөлімінің меңгерушісі Саматбек Мырзахмет.
Ультрадыбыстық зерттеу көмегімен дәрігерлер асқазан көп мөлшерде эхо-теріс түзілімге толып қалғанын білген. Асқазанда көптеген гетероген бөлшектер, шаш өрімі және шырыштан тұратын лас қара түсті бөгде дене анықталған.
"Асқазан қуысында үлкен көлемдегі тығыз түзіліс табылды және жойылды: салмағы 1 келі бөгде дене (трихобезоар)", - деді Балаларға шұғыл медициналық көмек көрсету орталығының балалар хирургі Сәуле Сүлейманова.
Дәрігерлер шаштың бұлай жиналуы басынан, қасынан және кірпіктерінен шашты жұлып, жұтуға патологиялық бейімділігі бар қыздарда кездесетінін атап өтті - триотилломания. Бұл ауру көбінесе обсессив неврозы бар балаларға, девиантты мінез-құлқы бар балаларға әсер етеді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
