+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Алматыда көңіл көтеру үшін бөтен автокөліктерді айдап кеткен 18 жастағы екі жігіт ұсталды, - деп хабарлайды Tengrinews.kz тілшісі қалалық полиция департаментінің баспасөз қызметіне сілтеме жасап.
Алматыда көңіл көтеру үшін бөтен автокөліктерді айдап кеткен 18 жастағы екі жігіт ұсталды, - деп хабарлайды Tengrinews.kz тілшісі қалалық полиция департаментінің баспасөз қызметіне сілтеме жасап.
ПД хабарламасына қарағанда, екі жігіт жолдарда жарысып, дрифт ұйымдастырып, бөтен көліктерді әдейі бұзған. Екеуінің де жүргізуші куәлігі болмаған.
Фото Алматы ҚП баспасөз қызметінен
"Күдіктілер көлікті кілт таңдап немесе бұрауыш арқылы ашқан. Олар ұрланған көлік үшін қаланың адам аз жүретін жерлерінде әбден жарысып, дрифт жасаған. Ойыны қанған соң көліктерді жол шетінде қалдырып кетіп отырған. Тек Алматы облысында осындай 12 қылмыстық эпизод бар.
Біздің қалада қазіргі таңда ұсталған азаматтардың бөтен көлік құралдарын заңсыз иемдену фактісіне қатысы бары дәлелденді. Енді олар ҚК-нің 200-бабына сәйкес "Автомобильді немесе өзге де көлік құралдарын ұрлау мақсатынсыз заңсыз иелену" қылмыстық жауапкершілікке тартылады. Олардың басқа да қылмыстарға қатыстылығы тексеріліп жатыр", - деді Алматы ПД криминалдық полиция басқармасының бастығы Жанболат Зиадин.
