+7 (777) 001 44 99
Қазақша
Русский
English
Алматыда алты баланың ата-анасы мен туыстары іздестіріліп жатыр, - деп хабарлайды КТК телеарнасы.
Телеарна мәліметінше, Алматыда кәмелетке толмағандарды бейімдеу орталығында алты баланың ата-анасы мен туыстары іздестіріліп жатыр. Олардың үшеуі наурыз айының басында, қалған үшеуі карантин режимі басталғанда орталыққа жеткізіліпті. Бірақ ешқайсының құжаты жоқ. Қай жерде дүниеге келді, туысқандары кім, ол жағын ешкім білмейді. Енді түрлі сұрау салып нәтиже шығара алмаған орталық қызметкерлері көпшіліктен көмек сұрайды.
"Орталықта 31 бала бар. Осы 31 баланың ішінде 6 бала құжатсыз. Кімде-кім осы балаларды танып жатса, бізбен хабарласса деп сұраймыз. Өйткені балалардың айтуымен ғана атаулары бар", - дейді Алматы қалалық кәмелетке толмағандарды бейімдеу орталығы директорының міндетін атқарушы Раиса Сейполдаева.
Қызметкерлердің айтуынша, жан-жаққа қанша сұрау салғанымен, нәтиже шықпаған. Алты баланың алды 15 жаста болса да ешбірі әлі күнге дейін мектеп табалдырығын аттап, кітап бетін ашпаған екен.
"Тым болмағанда мамамның туыстары табылса, тәтем құрлы, анам деп айтар едім", - дейді балалардың бірі.
Қазақстан жаңалықтары. Соңғы жаңалықтар. Telegram желісінде бізге жазыл!
