04 қазан 2024 | 11:24

Алматыда арнайы операция кезінде “технолог“ ұсталды

видео кадры

Алматыда ірі есірткі зертханасы жойылды, - деп хабарлайды Tengrinews.kz тілшісі Polisia.kz сайтына сілтеме жасап.

Есірткі зертханасы Әуезов ауданының жеке секторында орналасқан. Криминалдық полиция және есірткі қылмысына қарсы күрес басқармасының қызметкерлері арнайы іс-шара жүргізді.

"Нәтижесінде қылмыстық іс-әрекетті ұйымдастырған 36 жастағы ер адам ұсталды. Атап айтқанда, жылыжай қызметін атқарған үйден 270 түп қарасора, 3 бөшке иісі бар сұйықтық, 3 қап тыңайтқыш, 17 қышқыл ерітіндісі, таразы, 23 жарықтандыру шамы және т.б. зертханалық құрал-жабдықтар табылды. "Технолог" қылмыстық әрекетін мойындады. Аталған дерек бойынша Әуезов аудандық полиция басқармасының қызметкерлері соталды тергеу амалдарын бастады", – деді Алматы қалалық ПД криминалдық полиция басқармасының бастығы Талант Исаев.

Спикердің айтуынша, заттай айғақтар тәркіленіп, қылмыстық іс материалдарына қосылған. Сонымен қатар, есірткіні өндіруге қатысы болуы мүмкін басқа да адамдарды, сондай-ақ сусынды тарату арнасын анықтау бойынша жедел іс-шаралар жүргізіліп жатыр. ҚР ҚК-нің 201-бабына сәйкес өзге ақпарат тергеу мүддесіне орай жарияланбайды.

ҚР Конституциясының 77-бабы 3-бөлімі 1-тармағы, ҚР ҚК-нің 19-бабы 1-тармағына сай кез келген азамат сот шешімі заңды күшіне енгенге дейін кінәсіз деп саналады.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Алматы арнайы операция

TENGRI travel