+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Алматыда автобус астында қалып көз жұмған марқұм Айдос Әлменбаевтың жақындары кімнен көмек сұрарын білмей отыр. Жалғыз асыраушысынан айырылған отбасына ешкім қол ұшын созбаған. Бұл туралы КТК сюжетінде айтылды, - деп хабарлайды Massaget.kz тілшісі.
Алматыда автобус астында қалып көз жұмған марқұм Айдос Әлменбаевтың жақындары кімнен көмек сұрарын білмей отыр. Жалғыз асыраушысынан айырылған отбасына ешкім қол ұшын созбаған. Бұл туралы КТК сюжетінде айтылды, - деп хабарлайды Massaget.kz тілшісі.
Олардың сөзінше, автобус паркінен бірде бір адам көңілін сұрап келмеген. Үш баласымен жалғыз қалған ана әділдік іздейді.
Марқұм Айдос отбасының жалғыз асыраушысы болған. Микроавтобус айдап, күнделікті нәпақасын тауып жүріпті. Оқиға болған күні Райымбек даңғылының бойындағы аялдамаға тоқтап бой жазбақ болған екен. Көліктен түсе бергенінде қоғамдық көлік қағып өтеді.
"Егер баламның автобусы тұрмағанда, аялдаманың ішіне кіргенде, білмеймін, қанша адам қырылып, жаяу жүргінші жолдың ішіне кіріп кететін еді. Сол баламның спринтері қанша өмірді сақтап қалды... Денесінің сау жері жоқ. Машинасын жасап шыққанына екі-ақ күн болған", - дейді марқұмның әкесі Қыдырғали Әлменбаев.
Қайғыдан қан жұтқан отбасына марқұмның денесін тану оңайға соқпаған. Қатты соққыдан басының сау-тамтығы қалмапты.
"Сараптама басы жарылған деді. Білмеймін, айта алмаймын, анау адамның маған түрі таныс емес. Қолын ашып берді, аяғын ашып көрсетті. Сол екеніне көзім жетті. Әлі де сенбейміз, шын айтқанда. Ипотекамызды да төлеп отырған. Бағып-қағып отырған. Екеуі де кінәлі болып отыр. Мен айта алмаймын, бір адам кінәлі деп", - дейді марқұмның әйелі Айнұр Құсайынова.
Марқұмның артында үш қызы қалды. Екеуі де кәмелетке толмапты. Ең үлкені 19, екіншісі 12, үшіншісі небәрі төрт жаста. Әсіресе, кішкентайы жатса да, тұрса да әкесін іздейді екен. Қара жамылған отбасы апатқа автобус жүргізушісінің тікелей қатысы барын айтады. Олар әйелдің де жауапқа тартылуын талап етіп отыр. Сонымен қатар, автобус паркінен өтемақы төлеуді де талап етеді.
Еске салайық, бұған дейін Алматыдағы автобус апатынан үш адам мерт болғаны хабарланған еді. Кейін қоғамдық көлік жүргізушісін ұрған ер адам ұсталғаны белгілі болды. Бұл дерек ҚР Қылмыстық кодексінің 345-бабы 3-бөлігі бойынша соталды тергеудің бірыңғай тізіліміне тіркелді.
Сонымен қатар, қайғылы оқиғадан қанша адам зардеп шеккені белгілі болды. Жол апаты қалай болғаны бейнебақылау камерасына да түсіп қалған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
