18 маусым 2014 | 18:16

Алматыда бағанаға соғылған BMW қақ бөлінді

©СТВ/"Территория происшествий"

Алматыда BMW жүргізушісі бағанаға соғылды, - деп хабарлайды СТВ арнасындағы "Территория происшествий" бағдарламасының тілшісі. Жол-көлік оқиғасы Сүйінбай даңғылының Хмельницкий көшесінен жоғары тұсында болды.

Алматыда BMW жүргізушісі бағанаға соғылды, - деп хабарлайды СТВ арнасындағы "Территория происшествий" бағдарламасының тілшісі. Жол-көлік оқиғасы Сүйінбай даңғылының Хмельницкий көшесінен жоғары тұсында болды.

BMW Сүйінбай даңғылымен оңтүстік бағытта келе жатқан, бірақ рульге ие бола алмай, бағанаға соғылды. Алған соққысының салдарынан ол оқиға орнында қайтыс болды. Құтқарушылар оның денесін көліктен арнайы құралдардың көмегімен алып шықты. Осы көлікте болған тағы бір адам ауруханаға түсті, оның жағдайының қандай екені әзірше белгісіз. Бағанаға соғылған көліктің алдыңғы бөлігі қақ бөлініп қалды. Негізгі соққы жүргізуші отырған тұсқа тиген.

Еске салайық, маусым айының басында Алматыдағы Саин көшесінің тоннелінде алты автокөлік соқтығысқан еді. Саин көшесінің Қабдолов және Жұбанов көшелерінің аралығында түсініксіз себеппен Volkswagen Golf көлігінің жүргізушісі оқыстан тежегішті басқан. Оны қатты жылдамдықпен келе жатқан Toyota Corona Exiv арттан соқты. Соққыдан Golf аударылып барып, Volkswagen Passat-ты қақты, оларға Toyota Camry, Toyota RAV-4 және Nissan Qashqai көліктері ұрынды. Жол апатының салдарынан үш адам зардап шекті, оның бірі - Toyota RAV-4-те болған жүкті келіншек.