Алматыда бетон араластырғыш көлік ірі жол апатына ұшырады

Алматыдағы Сайын көшесінде ірі жол-көлік оқиғасы болды, - деп хабарлайды Tengrinews.kz тілшісі.

Видео әлеуметтік желілерде пайда болды.

"Жандосов көшесіне жетпей Сайын көшесінде бетон араластырғыш көлік жүргізушісі жол апатын жасады, оның мән-жайы анықталып жатыр", - делінген видеоның сипаттамасында.

Алматы Полиция департаменті мәліметінше, жол апаты бүгін сағат 12:05-те болған. Алты көлік зақымданған.

"Shacman автокөлігінің жүргізушісі, 1995 жылы туған азамат С., Сайын көшесімен солтүстік бағытта, Жандосов көшесінің оңтүстігінде келе жатып, арақашықтықты сақтамау салдарынан 6 көлікпен соқтығысқан. Бұл факт бойынша қызметкерлер тергеу жүргізіп жатыр. Әуезов аудандық ішкі істер бөлімінің басқа да мән-жайлары анықталып жатыр", - деп хабарлады Алматы ПД баспасөз қызметі.

Көліктердің бірінде отырған жолаушы медициналық көмекке жүгінгені белгілі болды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!