+7 (777) 001 44 99
Қазақша
Русский
English
Алматыда ер адам мен автобус жүргізушісі арасындағы төбелес видеоға түсіп қалды, - деп хабарлайды Tengrinews.kz тілшісі.
Куәгерлердің айтуынша, оқиға бүгін, 21 қазанда таңертең Назарбаев даңғылында болған.
"Куәгер ер адам автобустың есігін тепкенін, содан кейін жүргізуші жүгіріп шығып, оған ұрса бастағанын айтты. Бірнеше минуттан кейін ер адам пышақ тәрізді затты алып, жүргізушіні қорқыта бастаған. Жазбада жүргізушінің қорғанып жатқанын көруге болады", - делінген бейненің сипаттамасында.
Бейнежазба қазір Алматы полиция департаментінде қаралып жатыр.
"Осы факт бойынша тексеру жүргізіліп жатыр. Бұл ретте жанжалға қатысушы әрбір азаматтың әрекетіне құқықтық баға беріліп, Қазақстан Республикасының заңнамасына сәйкес шаралар қолданылады", - деп хабарлады Алматы полиция департаментінің баспасөз қызметі.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
