Алматыда жол апаты болды: жүргізушінің жағдайы нашарлаған

видео кадры

Алматыда көлік жүргізіп келе жатқан тұрғынның жағдайы нашарлап кеткен. Салдарынан жол апаты болды, - деп хабарлайды Tengrinews.kz тілшісі.

Алматыда көлік жүргізіп келе жатқан тұрғынның жағдайы нашарлап кеткен. Салдарынан жол апаты болды, - деп хабарлайды Tengrinews.kz тілшісі.

Әлеуметтік желіде Алматыда жол апаты болған жерден түсірілген видео пайда болды. Куәгерлердің айтуынша, бұл Райымбек даңғылында, Абылай хан көшесімен қиылыста болған.

Алматы Полиция департаменті оқиғаның мән-жайын хабарлады.

"Daewoo Matiz маркалы автокөліктің жүргізушісі Райымбек даңғылымен шығыс бағытта келе жатып, денсаулығының нашарлауына байланысты рульге ие бола алмай қалған және Cherry маркалы автокөлікпен соқтығысқан. Әрі қарай Daewoo Matiz инерция бойынша ағашқа соғылған", - деп хабарлады полиция.

Оқиға салдарынан көліктің жүргізушісі зардап шеккен. Алмалы аудандық ПБ қызметкерлері апаттың себептері мен мән-жайын анықтауға кірісті.

Сілтемесіз жаңалық оқисыз ба? Онда Telegram желісінде парақшамызға тіркеліңіз!