+7 (777) 001 44 99
Қазақша
Русский
English
Әлеуметтік желіде Алматыдағы жолаушылар автобустарының бірінде бірнеше ер адамның төбелесіп жатқаны түсірілген видео тарады, - деп хабарлайды Tengrinews.kz тілшісі.
Әлеуметтік желілердегі ақпаратқа сәйкес, оқиға 19 қыркүйекте кешкі уақытта болған: адамға толы автобуста үш ер адам жолаушыға шабуыл жасап, оны ұра бастаған, содан кейін олар басқа жолаушыларға ауысқан. Жүргізуші араша түсу үшін автобусты тоқтатып, салонға кіреді.
Видеода бір ер адам жүргізушіні тамағынан қылқындырып, онымен бірге көліктен құлағанын көруге болады. Тағы екеуі жүгіріп барып, жүргізушіні тепкілейді. Осыдан кейін үш қаскүнем қашып кетеді.
Алматы Полиция департаментінің баспасөз қызметі мәліметінше, видеоға түсірілген оқиға бойынша Жетісу аудандық ішкі істер бөлімі тергеу жүргізіп жатыр.
"Жанжалға қатысушылардың жеке басы мен оқиғаның алдын ала мән-жайы анықталды. Олардың әрқайсының әрекетіне құқықтық баға беріледі", - деп қысқаша түсініктеме берді ведомство.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
