+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Алматыда белгілі журналист Ботагөз Жұмановаға жасалған шабуылдың видеосы жарияланды, - деп хабарлайды Tengrinews.kz тілшісі. Видео Жұманованың Facebook-тегі парақшасында пайда болды.
Алматыда белгілі журналист Ботагөз Жұмановаға жасалған шабуылдың видеосы жарияланды, - деп хабарлайды Tengrinews.kz тілшісі. Видео Жұманованың Facebook-тегі парақшасында пайда болды.
Оқиға 8 қазан күні кешке болған. Видеодан бір жігіттің журналист қыздың соңынан ілесіп келіп, бірер секундтан кейін оны соққыға жығып, ұрып, тепкінің астына алып, қашып кеткенін көруге болады.
Полициядағылар Жұмановаға шабуылдың жасалғанын растады. Қалалық ІІД баспасөз қызметінің басшысы Салтанат Әзірбектің айтуынша, полиция видеоны тексеріп жатыр. Шабуыл жасаған ер адамға іздеу жарияланды. Сонымен қатар, "Бұзақылық" бабы бойынша сотқа дейінгі тергеу басталды.
Айта кетейік, Жұманованың әлеуметтік желідегі парақшасында оның достарының атынан жазылған жазбаға қарағанда, қызды соққыға жыққан жігіт оның еш нәрсесін алмаған. "Бота қазір ауруханада, оның бассүйегі қатты жарақаттанған, мұрны сынып, жараланған. Ол өз-өзіне келді, бірақ жағдайы әлі ауыр, ішінара есте сақтау қабілетінен айырылған". Жазбада Жұманованың достары бұл оқиғаға қатысты қандай да бір ақпараты бар адамдардан полицияға хабарлауды сұрады.
