Алматыда қалта ұрысының телефон ұрлаған сәті видеоға түсіп қалды

617

видео кадры

Алматыда тәжірибелі қалта ұрыларының телефон ұрлаған сәті бейнебақылау камерасына түсіп қалды, - деп хабарлайды Tengrinews.kz тілшісі.

Алматыда тәжірибелі қалта ұрыларының телефон ұрлаған сәті бейнебақылау камерасына түсіп қалды, - деп хабарлайды Tengrinews.kz тілшісі.

Әлеуметтік желіде қалта ұрлығының видеосы жарияланды. Кадрларда қыздың дүкенге кіргені, ал артынан келе жатқан ер адамның оның курткасының қалтасынан смартфонды байқатпай алып шыққаны көрінеді.

Алматы полициясы бұл іс бойынша 31 жастағы тараздық екі азаматтың ұсталғанын хабарлады.

"Бұл оқиға азық-түлік дүкенінің кіреберісінде орнатылған бейнебақылау камерасына түсіп қалған. Қаскүнемдердің бірі қыздың курткасының қалтасынан ұялы телефонды байқатпай ұрлап алған. Екіншісі қылмыстық әрекетте "сақтандырушы" рөлін атқарған. Екі күдікті де ұсталып, уақытша ұстау изоляторына қамалды", – деді Наурызбай ауданы Полиция басқармасының бастығы, полиция полковнигі Дидар Жақыпбаев.

Ұрланған смартфонды қаскөйлер бірден ломбардқа өткізген. Бұл факт бойынша соталды тергеу амалдары жүргізіліп жатыр.

Сілтемесіз жаңалық оқисыз ба? Онда Telegram желісінде парақшамызға тіркеліңіз!