Алматыда Розыбакиев көшесінде Lifan автокөлігі аударылып, жолаушы зардап шекті. Куәгерлер жол апатына байланысты үлкен кептеліс пайда болғанын айтып жатыр. Алматы полиция департаменті апаттың мән-жайын анықтады, - деп хабарлайды Tengrinews.kz тілшісі.
Жол-көлік оқиғасының видеосы kris.p.online парақшасында жарияланды. Апат Розыбакиев пен Левитан көшелерінің қиылысында болған.
Посмотреть эту публикацию в Instagram
"Көлік аударылды. Кептеліс үлкен. Маршрут түзеңідер", - делінген видео сипаттамасында.
Апаттың мән-жайын Алматы полиция департаменті өкілдері айтып берді. 8 ақпанда Lifan көлігінің жүргізушісі Розыбакиев көшесімен оңтүстік бағытта келе жатқаны белгілі болды. Ол Левитан көшесінің қиылысында солға бұрылып, Розыбакиев көшесінің бойымен солтүстік бағытта келе жатқан Volkswagen Transporter көлігімен соқтығысқан.
"Жол-көлік оқиғасының салдарынан Lifan автокөлігі аударылып, жолаушы зардап шекті. Аталған факт Қазақстан Қылмыстық кодексінің 345-бабы 2-бөлігі бойынша сотқа дейінгі тергеудің бірыңғай тізілімінде тіркелді", - деді Алматы қаласы Жол-көлік оқиғасын анықтау басқармасының басшысы Олжас Шәріпов.
Тиісті сараптамалар тағайындалды.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
