+7 (777) 001 44 99
Қазақша
Русский
English
Алматы қаласының полиция департаменті әлеуметтік желідегі видеоға қатысты түсінік берді, - деп хабарлайды Tengrinews.kz тілшісі.
Видеода жасөспірімдердің көлік нөмірлерін ұрлап, мақтанғанын көруге болады. Ролик Instagram-дағы @kris_p_almaty парақшасында жарияланды.
"Мас жасөспірімдер көліктің нөмірлерін ұрлап, оның видеосын желіге жүктеп жатыр. Мұны жариялаңыздаршы, жоғалған нөмірін біреу тауып қалар", - делінген жазбада.
Кадрлар түнде түсірілген. Роликтен жасөспірімдердің көлік нөмірлерін ұстап отырғанын көруге болады.
"10 минутта екінші нөмірді алдық. Даша, екіншісін көрсетші. Міне, осылай", - дейді видеодағы қыз.
Алматы қаласы полиция департаменті видеодағы жасөспірдер іздестіріліп жатқанын атап өтті.
"Бұл дерек бойынша Медеу аудандық полиция басқармасының криминалды полиция бөлімі тиісті жұмыс жүргізіп жатыр. Олар видеодағы жастардың кім екенін анықтап жатыр. Олардан міндетті түрде жауап алынып, заң бойынша жауапкершілікке тартылады.
Сонымен қатар, видеодағы мемлекеттік тіркеу нөмірлері кімге тиесілі екені анықталды. Айтуынша, ол көлігінің нөмірін 15 шілдеде жоғалтып алған. Алайда ұрлық дерегі бойынша полицияға арыз бермеген", - дейді қалалық полиция департаментінің баспасөз қызметі.
Қазақстан жаңалықтары. Соңғы жаңалықтар. Telegram желісінде бізге жазыл!
