18 шілде 2019 | 09:15

Алматыда қоймадан өрт шықты

Есет Төлеш

ДЧС Алматы ТЖД баспасөз қызметінің фотосы

Алматыдағы Жетісу ауданында орналасқан қоймадан өрт шықты, - деп хабарлайды Tengrinews.kz тілшісі.

Портал оқырмандарының мәліметінше, қазіргі уақытта "Саяхат" маңы түтінге батып, ыс шығып тұр. Оқиға орнында өртсөндірушілер жұмыс істеп жатыр.

"2019 жылдың 18 шілдесінде сағат 07:45-те Алматы қалалық ТЖД-дің "101" пультіне Жетісу ауданы, Омаров көшесі, 12в/1 мекенжайындағы қойма өртеніп жатқаны туралы хабар түсті. Өртсөндірушілер қазір оқиға орнында. Өртті алауыздықтауға өрт сөндіру қызметінің 15 техникасы мен жеке құрамның 43 адамы жұмылдырылды", - деп хабарлады қалалық ТЖД баспасөз қызметі.

Посмотреть эту публикацию в Instagram

18.07.2019г. в 07:45 часов на пульт "101" ДЧС г. Алматы поступило сообщение о горении складского помещения по адресу: Жетысуский район, ул.Омарова 12в/1. Пожарные расчеты на месте. Силы и средства наращиваются по повышенному номеру. Дополнительная информация будет позже. @kris_p_kz @kris_p_kz

Публикация от Алматы | Almaty ???????????????? (@kris.p.almaty) 17 Июл 2019 в 8:14 PDT

ТЖД баспасөз қызметінің ақпараты бойынша, өртті сөндіруге тікұшақ та жұмылдырылған.

"Казавиақұтқару" АҚ бортын әуеге көтердік", - деп жазылған хабарламада.

Қазіргі уақытта суағар тіркелген тікұшақ өрт үстіне су шашып жатыр.

Алдын ала мәлімет бойынша, қоймада 200 тонна лак және бояу шығару бұйымдары бар.

Бұған дейін 18 шілдеге қараған түні Алматыда үш жекеменшік үй мен шаруа құрылысы өртенгені хабарланған еді. Өрт Жетісу ауданындағы Потанин көшесінде болған.

Өрт Алматы