+7 (777) 001 44 99
Қазақша
Русский
English
27 шілде 2022 | 15:46
Алматыда құрылыс краны құлады: жаңа мәлімет айтылды
Төтенше жағдайлар министрлігінің Өнеркәсіптік қауіпсіздік комитеті Алматыда құрылыс алаңында құлаған кранға қатысты оқиғаға пікір білдірді, - деп хабарлайды Tengrinews.kz тілшісі.
ПОДЕЛИТЬСЯ
Төтенше жағдайлар министрлігінің Өнеркәсіптік қауіпсіздік комитеті Алматыда құрылыс алаңында құлаған кранға қатысты оқиғаға пікір білдірді, - деп хабарлайды Tengrinews.kz тілшісі.
Комитет мәліметінше, 26 шілдеде Жетісу-3 ықшамауданы, 55А учаскесінде сағат 17:30 шамасында "Алматау Строй Гарант" ЖШС құрылыс алаңында оқыс оқиға болған.
"Алдын ала мәлімет бойынша, мұнара кранын демонтаждау кезінде қауіпсіздік ережесін сақтамау салдарынан бір бөлігі аударылып кеткен (дұрыс бекітілмеген). Апат салдарынан екі адам зардап шекті, оның ішінде: біреуі қаза болды. Екіншісі бас-ми жарақатын алып, медициналық көмек көрсетілгеннен кейін үйіне шығарылды", - деді Төтенше жағдайлар министрлігі өкілдері.
Бұл ретте 2021 жылдың қарашасынан бері құрылыстың тоқтап қалуына байланысты кран жұмыс істемей тұрғаны хабарланған. Кран 2021 жылы шығарылған, меншкі иесі - "Поток-8" ЖШС.
Алматы полициясы мәліметінше, марқұм құрылыс учаскесінің слесары болған. Ер адам 33 жаста еді. Ол оқиға орнында қаза болды. Қазіргі уақытта Алматы қалалық ПД жедел-тергеу тобы тергеу жұмыстарын бастаған.
Төтенше жағдайлар министрлігі ӨҚК мәліметінше, қазір марқұм мен құрылыс ұйымы арасындағы еңбек қатынастары туралы ақпарат нақтыланып жатыр.
"Тергеу жүргізу үшін кранды басқарған ұйым мен бөлшектеу жұмыстарын жүргізген адамдар тобы арасындағы еңбек қатынастарын анықтау қажет. Еңбек қатынастары әлі орнатылмаған. Егер олардың арасында еңбек шарты болса, онда тергеуді еңбекті қорғау органдары бекітеді.
Олар комиссия құрады, оның құрамына Өнеркәсіптік қауіпсіздік комитетінің (ӨСМ) өкілі де кіреді. Егер еңбек қатынастары болмаса, тергеуді тергеу органдары жүргізеді", - деді ТЖМ Өнеркәсіптік қауіпсіздік комитетіндегілер.
Еске салайық, бір күн бұрын Алматыда құрылыс краны тұрғын үй ауласы ортасына құлап, бір адам қаза тапқан болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
