+7 (777) 001 44 99
Қазақша
Русский
English
Алматыда полиция гастролер-ұрыны ұстады, - деп хабарлайды Tengrinews.kz тілшісі Polisia.kz сайтына сілтеме жасап.
"Ол қарбалас уақытта қоғамдық көлік жолаушыларынан ұялы телефон ұрлаған. Сонымен қатар ұрланған телефондарды сатып алушы да ұсталды. 15 телефон тәркіленді. Қазіргі уақытта қылмыскер қамауға алынды", – деді ІІМ криминалдық полиция департаментінің бастығы Қанат Нұрмағамбетов.
Жыл басынан бері криминалдық полиция қызметкерлері республика бойынша 417 қалта ұрысын ұстаған. Оларға қатысты 461 қылмыстық іс қозғалды. 21 қылмыстық топтың қызметі тоқтатылды, 38 гастролер-ұры құрықталды.
"ІІМ қалта ұрлығын жасағаны үшін үш жылға дейін бас бостандығынан айыру жазасы қарастырылғанын еске салады. Қырағы болуға және құнды заттарды қолжетімді жерде ұстамауға кеңес береміз", - деді полиция полковнигі.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
