10 қаңтар 2018 | 11:01

Алматыда ірі жол апаты қозғалысты тоқтатты

Айдос Қосыбаев

Алматыда түнгі уақытта Шығыс айналма жолында Төле би көшесінен төмен бағытқа қарай ірі жол-көлік оқиғасы болды, - деп хабарлайды "СТВ" телеарнасындағы "Территория происшествий" бағдарламасының тілшісі.

Алматыда түнгі уақытта Шығыс айналма жолында Төле би көшесінен төмен бағытқа қарай ірі жол-көлік оқиғасы болды, - деп хабарлайды "СТВ" телеарнасындағы "Территория происшествий" бағдарламасының тілшісі.

Соқтығысқан көліктердің барлығы да бір бағытта кетіп бара жатқан. Куәгерлердің айтуынша, ақ түсті Toyota Camry маркалы автомобиль жылдамдықты асырып, оң жақтағы жолақпен қатты келе жатқан. "Жапониялық көліктің жүргізушісі Audi көлігінен озып, ары қарай тізгінге ие бола алмай, Hyundai Tucson көлігіне соқтығысқан. Қатты соққыдан көліктер сырғанап жанындағы Audi көлігі мен қызыл түсті Camry автомобилін де соққан.

Ары қарай екі көлік жол ортасындағы қоршауды бұзған. Қатты соққыдан бетон қоршаудың бірі орнынан қозғалып кеткен. Жол апаты салдарынан екі адам зардап шекті - Hyundai жолаушысы мен ақ түсті Camry жүргізушісі. Олар ауруханаға жеткізілді.

Осы жол-көлік оқиғасына байланысты жол бөлігін полиция қоршауға алған, сол себепті Шығыс айналма жолында біршама уақыт осы бағытта жол қозғалысы тоқтап қалған.

© "Территория происшествий" бағдарламасы