Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.68
EUR / KZT - 389.40
CNY / KZT - 49.85
RUB / KZT - 5.60

Алматыда ірі жол апатынан зардап шеккендердің жағдайы бірқалыпты

20 Қаңтар 2015, 18:03
0
©Данияр Бозов
©Данияр Бозов

Алматы қаласында автобустың қатысуымен болған ірі жол апатынан зардап шеккендердің жағдайы бірқалыпты деп бағаланып отыр, бұл туралы Tengrinews.kz тілшісіне қалалық денсаулық сақтау басқармасының мамандары хабарлады.

Дәрігерлердің көмегіне 10 адам жүгініп, олардың тоғызы ауруханаға жатқызылды, арасында үш бала бар. Жол апатынан кейін зардап шеккендердің екеуі қалалық орталық клиникалық ауруханаға, тағы екеуі №7 ауруханаға, бір адам тұрғылықты мекен-жайы бойынша облыстық емханаға және кәмелет жасына толмағандар №1 қалалық балалар ауруханасына жатқызылды.

Балалардың бірінде сынық бар екені анықталды, ал қалған екеуі бас пен іштен соққы алған. Бұдан басқа аяқ-қолдары сынғандар, көкірек қуысын соғып алғандар мен ішінен жабық жарақат алғандар бар. Жол апатынан зардап шеккендердің біреуі ауруханадан шықты.

Еске сала кетейік, Алматыдағы ірі жол апаты 18 қаңтарда болды. Есенәлиев көшесімен солтүстік бағытта жүріп бара жатқан №31 Mercedes маркалы автобус жүргізушісі көлік тізгініне ие бола алмай, сол бағытта кетіп бара жатқан Hyundai көлігіне соғылды. Соңынан жолаушылары бар автобус 44 жастағы ер адамды қағып кетті, ол жарақат алғанымен емханаға жатқызылған жоқ. Осыдан кейін қала әкімі кеңес өткізіп, жол апатына автобустың техникалық ақауы себеп болғаны дәлелденсе автопарктың лицензиясы алынатынын айтты.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай