Алматыда тағы да базар өртенді

03 Ақпан 2014, 19:29
0
Бейтарап сурет. ©Ярослав Радловский
Бейтарап сурет. ©Ярослав Радловский
Бейтарап сурет ©Нұрғиса Елеубеков
Бейтарап сурет ©Нұрғиса Елеубеков
Алматыда "Жұлдыз" базары өртеніп жатыр деп хабарлайды Tengrinews.kz Алматы қалалық төтенше жағдайлар департаменті мамандарына сілтеме жасап.

Жергілікті уақыт 18.09-де өртсөндіру қызметіне дабыл келіп түскен. Оқиға орнында СТВ телеарнасының "Территория происшествий" бағдарламасының тілшілері жүр, олардың мәліметінше, өрт шамамен 500 шаршы метрдей аумақты шарпыған. Тілсіз жау сағат 18.35-те ауыздықталған. Енді оны залалсыздандыру жұмысы жалғасып жатыр.

Төтенше жағдайлар қызметінің мәліметінше, әзірше 10 сауда-қойма павильонының өртенгені белгілі. Олардың жалпы аумағы - 80 шаршы метр. Зардап шеккендер жайлы мәлімет жоқ. Дүйсенбіде базарлардың жұмыс істемейтінін атап өту керек.

Еске салайық, 2013 жылдың күзінде Алматы барахолкасында дүркін-дүркін өрт болды. Қыркүйек айында 5 мың шаршы метр аумақ жанып кетті. Кейін қараша айында тағы бірнеше базар отқа оранды. Алғашқы оқиғаға дәнекерлеу жұмыстарының себеп болғаны айтылса, соңғысы қолдан жасалған болып шықты.

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай