+7 (777) 001 44 99
Қазақша
Русский
English
Алматыда Шығыс айналма жолында Төле би көшесінен төмен аумақтағы тау бөктерінен өрт шықты, - деп хабарлайды Tengrinews.kz тілшісі.
Қалалық төтенше жағдай департаментінің мәліметінше, өрт туралы хабар түскі сағат 13.20 түскен. Мамандар құрғақ шөптің өртенгенін анықтаған. Өрт шамамен 1,5 гектарға шарпыған.
"Желдің қатты болуы салдарынан тау бөктеріндегі 4 үйге өрт қаупі төнді. Өрт тұрғын үйлерден 20 метрге дейін жеткен. Дер кезінде қабылданған шаралар өртті сөндіруге мүмкіндік берген. 9 техника, 40 адам жұмылды. Қазіргі таңда өрт сөндірілді", - делінген хабарламада.
Оқыс оқиғадан зардап шеккендер мен қаза тапқандар жоқ.
Куәгерлер Tengrinews.kz редакциясына өрттің фотосын жіберді.
Қазақстан жаңалықтары. Соңғы жаңалықтар. Telegram желісінде бізге жазыл!
