+7 (777) 001 44 99
Қазақша
Русский
English
Алматыда толассыз жауынның салдарынан Жароков көшесі мен Абай даңғылының қиылысында орналасқан "Алатау" метро станциясын су басты, - деп хабарлайды Tengrinews.kz тілшісі. Метро станциясының суреті Facebook желісінде жарияланды.
"Метрополитен" директорының көмекшісі Ажар Хабиеваның айтуынша, су метро станциясына Жароков көшесі жақтан келе бастаған. "Арық жүйесі бойынша су станцияға кіреберіс жердегі жер астындағы жаяу жүргіншілерге арналған жолға құйылған. Су вестибюльге дейін жетпеді. Бұл оқиға 16 маусымда шамамен сағат 20.30-да болған. Ал сағат шамамен 00.00-де апаттық-құтқару қызметі келіп, судың тасуын тоқтатты. Қозғалыстың қауіпсіздігіне еш әсерін тигізген жоқ. Қазір станция қалыпты режимде жұмыс істеп жатыр", - деді ол.
