Алматыда тұрғын үй ауласында шу шығарып, тұрақтағы көліктерді тепкендер жазаланды

Дина Шарипханова Корреспондент

Алматыда 27 қарашаға қараған түні "Ақсай-3" ықшамауданында бұзақылық жасаған екі тұрғын ұсталып, жауапқа тартылды, - деп хабарлайды Tengrinews.kz тілшісі қалалық Полиция департаментінің баспасөз қызметіне сілтеме жасап.

Алматыда 27 қарашаға қараған түні "Ақсай-3" ықшамауданында бұзақылық жасаған екі тұрғын ұсталып, жауапқа тартылды, - деп хабарлайды Tengrinews.kz тілшісі қалалық Полиция департаментінің баспасөз қызметіне сілтеме жасап.

Бұған дейін 23-көпқабатты үйдің ауласында мас тұрғындар тұрақта тұрған көліктерді теуіп жатқан видео тарады. Олардың әрекетін куәгер видеоға түсіріп алған.

"Олар бүкіл ауланы басына көтеріп айғайлады, сондықтан ескерту жасауға бардым және олардың жеке басын анықтайын дедім... содан кейін олардың бірі үлкен тасты алып, артымнан жүгірді...", - дейді оқиға куәгері.

Посмотреть эту публикацию в Instagram

Публикация от Kris P Brothers️️️ (@kris_p_brothers)

Сенбі, 27 қарашада бұзақылар ұсталды. Олар Түркістан облысының тумасы, 1994 жылы туған Әбішев Ақылбек Жабайұлы және Жамбыл облысының тумасы, 1994 жылы туған Өзгенбай Данияр Қуандыұлы болып шықты.

Ұсталғандар жасаған әрекеті үшін көпшіліктен кешірім сұраған.

Посмотреть эту публикацию в Instagram

Публикация от Рустам Абдрахманов (@rustam.abdrakhmanov_)

Жексенбі, 28 қарашада Алматы қаласының мамандандырылған ауданаралық әкімшілік сотының қаулысымен құқықбұзушылар жеті тәулікке әкімшілік қамаққа алу түріндегі әкімшілік жауапкершілікке тартылды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!