+7 (777) 001 44 99
Қазақша
Русский
English
Қазақша
Русский
English
Алматы әуежайына қозғалтқышы істен шыққан ұшақ қонды, - деп хабарлайды Tengrinews.kz тілшісі.
Оқиға туралы ақпарат 3 қыркүйекте әлеуметтік желілерде тарады. Ұшақ әуеге көтерілгеннен кейін бірден оралған. Ақпаратқа сүйенсек, бұл - 2017 жылдың қазанында Алматы маңында АН-28 апатқа ұшырап, 5 адам қаза тапқан әуе компаниясына тиесілі ұшақ.
Кейін бұл ақпаратқа Индустрия және инфрақұрылымдық даму министрлігі пікір білдірді. Департамент мәліметінше, санитарлық рейс ақауға байланысты қонуға мәжбүр болған.
"East Wing әуе компаниясының ұшағы Алматыдан Семейге бағыт алған. Сағат 11.12-де ұшып шыққан рейс командирі сол жақтағы қозғалтқыш істен шыққанын және әуежайға оралатынын мәлімдеді. Ұшақ сағат 11.17-де аман-есен қонды. Бортта экипаждың бес мүшесі және екі дәрігер болды", - деді Индустрия және инфрақұрылымдық даму министрлігі баспасөз қызметінің хатшысы Дәулет Сәмбетбаев.
Еске салайық, 2017 жылдың 3 қазанында Алматы маңында Ан-8 ұшағы апатқа ұшыраған еді. Алматыдан ұшқаннан кейін 12 минуттан соң East Wing әуе компаниясының Ан-28 ұшағы радардан жоғалып кеткен болатын.
Бортта бес адам болған. Ұшақ апатынан профессор, дәрігер, акушер-гинеколог Талғат Пацаев пен профессор, дәрігер-реаниматолог Жәнібек Артықбаев, командир Геннадий Цой, екінші ұшқыш Евгений Кутафин, бортинженер Бейшенбек Ақматбаев қаза тапқан еді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
