Алматыда зейнеткер аяусыз соққыға жығылған: күдікті қамауға алынды

Алматыда аялдамада зейнеткерді аяусыз соққыға жыққан ер адам қамауға алынды. Бұл туралы Полиция департаменті мәлім етті, - деп хабарлайды Tengrinews.kz.

Полиция мәліметінше, сот санкциясымен 26 жастағы ер адам қамауға алынған.

"Тергеу қамауға алу туралы өтініш білдірді – прокуратура мен сот бұл өтінішті қолдады", - деп хабарлады ведомство.

Еске салайық, 23 сәуірде Алматыда ер адам аялдамада тұрған 66 жастағы зейнеткерге тап беріп, оны аяусыз соққыға жыққан.

Видеода оның егде жастағы әйелге жақындап келіп, жұдырықпен аяусыз ұра бастағаны, ал ол құлаған кезде басынан тепкені көрінеді.

Зардап шеккен әйелдің қызы әлеуметтік желіде оқиғаның қалай болғанын жазды. Полицейлер күдіктіні анықтап, видео жариялады.

Адам өлтіргені үшін соттылық және шизофрения: Алматыда зейнеткерді соққыға жыққан ер адам туралы не белгілі