+7 (777) 001 44 99
Қазақша
Русский
English
Алматыдағы Әл-Фараби даңғылында ірі жол апаты болды, - деп хабарлайды Tengrinews.kz тілшісі. Жүк көлігі бірнеше көлікпен соқтығысты.
Оқиға орнынан түсірілген видео Instagram-парақшаларда пайда болды.
"Әл-Фараби даңғылы бойындағы ірі жол апаты салдарынан жол қозғалысы тоқтатылды, оның мән-жайы анықталып жатыр", - делінген видеоның сипаттамасында.
Куәгерлердің айтуынша, жүк көлігіне бордюрлар тиелген. Оның тежегіші істен шығып, ол қарсы жолаққа шығып кеткен.
Әзірге зардап шеккендер туралы ақпарат жоқ. Алматы полиция қызметкерлері жол апатына қатысты пікір білдірді.
"21 тамызда сағат 15:05-де Mercedes автокөлігінің жүргізушісі Жамақаев көшесі бойымен солтүстік бағытта келе жатып, әл-Фараби даңғылының қиылысында бөлгіш қоршауға соғылып, тура жүріп кетіп, даңғылдың бойымен батысқа қарай келе жатқан үш көлікпен соқтығысқан. Жол апаты салдарынан жүк көлігінің жүргізушісі мен жолаушысы зардап шекті", - делінген хабарламада.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
