+7 (777) 001 44 99
Қазақша
Русский
English
Алматылық полицейлер таныс адамынан ақша бопсалаған қылмыстық топты ұстады, - деп хабарлайды Polisia.kz.
Алматы қалалық ұйымдасқан қылмысқа қарсы күрес басқармасының қызметкерлері күдіктілердің жәбірленушіден сұраған 1 миллионның 650 мың теңгесін алып жатқан кезде ұстады. Күдіктілер осыдан біраз уақыт бұрын заңсыз алып кеткен көлікті қайтарып беру үшін таныс адамнан ақша бопсалаған.
"Арнайы іс-шара нәтижесінде бес ер адам ұсталды, олардың үлкені 35-те, кішісі 27-де. Олар уақытша ұстау изоляторына қамалды. Аталған дерек ҚР ҚК-нің 389 бабы ("Өзiнше билiк ету") бойынша тергеліп жатыр. Ұсталғандардың екеуі бұрын ҚР ҚК-нің 96-бабы ("Кісі өлтіру") және ҚР ҚК-нің 287 бабы ("Браконьерлік") бойынша сотты болған", - делінген хабарламада.
Бұл жолы ұсталған кезде күдіктілерден өсімдік тектес ұнтақты зат және травматикалық тапанша тәркіленген. Көрсетілген заттар бойынша тиісті сараптамалар тағайындалды.
ҚР ҚК-нің 201 бабына сәйкес өзге ақпарат тергеу мүддесіне орай жарияланбайды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
