+7 (777) 001 44 99
Қазақша
Русский
English
Қазақша
Русский
English
Алматыдағы Көкбазар маңында бірнеше дүкен отқа оранды, - деп хабарлайды Tengrinews.kz тілшісі. Өрт 13 шілде күні түсте Пушкин мен Мақатаев көшелерінің қиылысында болған.
Куәгерлердің айтуына қарағанда, өрт шаштараздан басталып кейін маңында орналасқан дүкен мен кафеге өткен. Шаштаразда жұмыс істейтін қызметкердің айтуынша, олар түтіннің иісін сезіп, далаға жүгіріп шыққан. Оның айтуынша, өрт ақауы бар электросымдардың салдарынан шығуы мүмкін. Өрт басталған кезде дүкен қызметкерлері өрт сөндірушілерді күтпей, өз күштерімен сөндіруге тырысқан. Ал кафе қызметкерлері жарылыстың алдын алу үшін газ баллондарды далаға алып шыққан.
Оқиға орнына 13.50-де төрт өрт сөндіретін көлік келген. Өрт шамамен 30 минуттың ішінде ауыздықталды. Тілсіз жаудың салдарынан шаштараз, дүкен және дөнер сатылатын кафе толық жанып кеткен. Сондай-ақ өрттен бір кафе азын-аулақ өртенген. Қазірше өрт болған аймақ толығымен анықталмаған.
