Алматыдағы "Шаңырақта" бүлдіршіннің бүйрегін кесіп алып кетіпті деген қауесет таратқандар іздестіріліп жатыр

05 Қазан 2016, 12:59
0
Алматыдағы "Шаңырақта" бүлдіршіннің бүйрегін кесіп алып кетіпті деген қауесет таратқандар іздестіріліп жатыр -

Алматыдағы Шаңырақта бүлдіршіннің бүйрегін кесіп алып кетіпті деген қауесет таратқандар іздестіріліп жатыр, - деп хабарлайды Tengrinews.kz тілшісі. 

Нақтырақ айтсақ, қазақстандықтар бір-біріне аудиофайл таратып жатыр. Онда әйел адам қазақ тілінде бес жасар қыздың жоғалуына байланысты жантүршігерлік оқиғаны баяндайды. Әйел адам бүлдіршінді ұрлап әкеткендердің оның бүйрегін кесіп алып, қансыратып тастап кеткенін айтады. 

"Кеше менің туысымның 5 жасар қызы "Шаңырақ 2" саябағында жоғалып кетті. Оны жеті сағат бойы іздеді. Қансыраған қыз түнде дүкендердің бірінен табылды. Оның бүйрегін кесіп алып, тігіп, малға ұқсатып, далаға тастап кеткен. Қазір қыз қалалық 12-ші ауруханада жатыр. Сақ болыңыздар, өз балаларыңызға қараңыздар", - дейді аудиофайлдағы дауыс. 

Алматы қалалық ІІД өкілдері Tengrinews.kz тілшісіне таралып жатқан ақпараттың жалған екенін мәлімдеді. Полициядағылар аудиофайлдың авторын іздеп табуға уәде беріп отыр. 

Ал 12-ші қалалық ауруханадағылар мекеменің ересектерге арналғанын, ал балалардың бұл ауруханаға жатқызылмайтынын атап өтті.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай