Алматыны қалың тұман басты

Жансая Қадыржанова Корреспондент

Сурет Tengrinews.kz/Святослав Антонов

Алматыны қалың тұман басты, - деп хабарлайды Tengrinews.kz тілшісі.

Алматылықтар бүгін түстен кейін қаладағы қалың тұманды суретке түсіріп, жариялай бастады. Тұрғындардың айтуынша, көшелерде ештеңе дұрыс көрінбейді.

9 желтоқсанда Алматыда тұман мен көктайғақ болатыны туралы ескерту жарияланған еді.

Алматы әуежайы мәліметінше, метеожағдайға байланысты өзгерістер жоқ. Әуежай штаттық режимде жұмыс істеп жатыр.

Сурет:Tengrinews.kz/Святослав Антонов

Синоптиктер мәліметінше, 9 желтоқсанда Алматыда көшпелі бұлт болады. Сонымен қатар, түнде және таңертең қар, тұман және көктайғақ болуы мүмкін екені айтылды. Солтүстік-шығыстан секундына 3-8 метр жылдамдықпен жел соғады. Түнде ауа температурасы 3 және 5 градус аяз, күндіз 1 градус аяз және 1 градус жылы болады.