+7 (777) 001 44 99
Қазақша
Русский
English
Полицейлер қолайсыз ауа райына байланысты жабылған Ақмола облысы Пригородное ауылы маңындағы автожолда көлікте үсіп өлген ерлі-зайыптының денесін тапты, - деп хабарлайды Tengrinews.kz тілшісі.
"30 наурыздан таңғы уақыттан бастап Атбасар қаласынан барлық бағытқа жолдардың жабылғанына қарамастан Атбасар - Шу автожолында Audi 80 көлігінен екі мәйіт табылды. Ерлі-зайыпты - 1966 жылғы ер адам мен 1968 жылғы әйел. Өлімінің алдын ала себебі - денелері мұздап қалған", - деді Ақмола облыстық ІІД баспасөз қызметінің басшысы Гүлнар Пинчук.
Оның айтуынша, денелер қазіргі уақытта мәйітханаға жіберілді, сараптама тағайындалды. Еске сала кетейік, кеше қолайсыз ауа райына байланысты Ақмола облысында ірі жол апаты болған еді. Жол апатынан алты адам зардап шеккен еді.
