+7 (777) 001 44 99
Қазақша
Русский
English
Әлеуметтік желіде автомобильдің "Қала жолдары" ЖШС қызметкерін қағып кеткені түскен видео жарияланды. Оқиға Ақтау қаласының 15 ықшамауданында болған, - деп хабарлайды "Лада".
Оқиға автожүргізушінің видеотіркеу құрылғысына түсірілген. Оқиға 21 желтоқсанда күндіз 15-ші ықшамауданында болған. Видеоның кадрларында автомобильдің ықшамауданнан шығып келе жатып, "Қала жолдары" ЖШС қызметкерін қағып кетеді.
Маңғыстау облыстық ауруханасының жарақат бөлімнің мамандарының айтуынша, зардап шеккен әйел жеңіл жарақат алған.
"Зардап шегуші 21 желтоқсанда 16:04-те өзі ауруханаға келген. Оның сол аяғы жараланған, гемартроз. Дәрігерлер оны қарап шыққаннан кейін, оны үйіне жіберген", - деді ауруханадағылар.
"Қала жолдары" ЖШС қызметкерлерінің айтуынша, олардың әріптестері арыз жазудан бас тартқан.
"Әріптесіміз өзін жақсы сезінеді, қазіргі уақытта сырқатқа байланысты демалыс алды", - деді "Қала жолдары" ЖШС басшысы Сергей Бермухамедов.
