+7 (777) 001 44 99
Қазақша
Русский
English
Ақтауда музыкалы-драма театрының қиылысында "Жедел жәрдем" көлігі аударылып кетті, деп хабарлайды Lada.kz порталы.
Оқыс оқиға 16 мамары күні, таңертең болған. Куәгерлердің айтуынша, дабыл қаққышы қосылған "Жедел жәрдем" көлігі орталық көшемен қозғалып келе жатқан. Дәл осы уақытта бағдаршамның көк түсіне қиылыстан Toyota Camry автокөлігі шығып, екі көлік соқтығысқан. Қақтығыс салдарынан "жедел жәрдем" көлігі аударылып қалған.
Жол көлік апатының салдарынан төрт адам зардап шеккен. Оның ішінде "жедел жәрдем" көлігі фельдшерінің миы шайқалып, оны облыстық емхананың нейрохирургиялық бөліміне жеткізген. Қызметтік көліктің жүргізушісі иығынан жарақаттанса, "Жедел жәрдем" көлігіндегі тәжірибеден өтіп жүрген екі қыз жеңіл жарақат алған.
