+7 (777) 001 44 99
Қазақша
Русский
English
Ақтөбе облысының Шалқар қаласында аудандық ішкі істер бөліміне кәмелетке толмаған қыз балаға зорлық әрекеті жасалғаны туралы шағым келіп түсті, - деп хабарлайды "Ақтөбе-Таймс". Ақпарат құралының хабарлауынша, 24 жастағы жігіт жасөспірімді зорламақ болған.
Таратылған мәліметке қарағанда, 11 жастағы қыз бала 18.00 шамасында үйінен 50 метр жердегі дәретханаға барған кезде оған күдікті тиіскен. Полицияға қыздың анасы шағымданды. Тәртіп сақшылары күдіктіні ұстады. Ол бұрын да заң бұзып, көзге түскен. Бұл іс бойынша сараптама тағайындалды.
Бұған дейін Оңтүстік Қазақстан облысында қылмыскерлердің кәмелетке толмаған қыз баланы зорлауына анасының көмектескені хабарланған болатын. Қыздың ата-анасы ажырасқан. Әйел 15 жастағы қызын Шымкенттен Мақтаарал ауданына алдап шақырған. Анасы қызына ұялы телефон сыйлайтынын айтыпты. "24 қазан күні оны азаматтық некеге тұру үшін Мақтаарал тұрғыны алып қашады да, зорлайды. Анасы мұны білген", - дейді Абай ауданы прокурорының орынбасары Ермек Әйтімов. Полицейлер кәмелетке толмағандарға жыныстық зорлық жасау және адам ұрлау деректері бойынша қылмыстық істер қозғады.
