Елордалық өртсөндірушілердің бұғының лағын құтқарып қалған видеосы жарияланды, - деп хабарлайды Tengrinews.kz тілшісі Астана қаласы ТЖД баспасөз қызметіне сілтеме жасап.
ТЖД мәліметінше, 21 маусымда сағат 19.00 шамасында құрғақ шөптің өртенуін сөндіру кезінде Астана қаласының №4 мамандандырылған өрт сөндіру бөлімінің жеке құрамы қамыс өскіндерінің арасынан бұғы тауып, құтқарды.
"Қазіргі уақытта бұғы қауіпсіз жерде және Ақмола облыстық орман шаруашылығы аумақтық инспекциясының қызметкерлеріне аман-есен тапсырылды", - делінген хабарламада.
Өртсөндіруші-құтқарушылар үшін әрбір өмір иесі бағалы және олар әрқашан мұқтаж жандарға көмекке келуге дайын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
