+7 (777) 001 44 99
Қазақша
Русский
English
Астанадан алты шақырым жерде бағытты автобустың аударылуынан 26 адам зардап шекті, - деп хабарлайды Tengrinews.kz тілшісі Ақмола облыстық төтенше жағдайлар департаментінің баспасөз қызметіне сілтеме жасап.
"12 қараша күні сағат 09.30-да Астана - Қоянды автожолының 21-шақырымында (Астанадан 6 шақырымда) Астанаға келе жатқан № 38 бағытты автобустың жүргізушісі көктайғақта рульге ие бола алмай қалып, жолдың оң жағына ауып түсті", - деп хабарлады төтенше жағдайлар департаменті қызметкерлері.
Автобуста 70-ке жуық жолаушы болған, оның 26-сы зардап шегіп, Астананың ауруханаларына жеткізілді. Медициналық тексерістен кейін 20 адам амбулаториялық емдеуге жіберілді. Алты адам ауруханаға жатты.
