+7 (777) 001 44 99
Қазақша
Русский
English
Астанада "Жеті бөшке" тұрғын үй кешенінде өрт шықты, - деп хабарлайды Tengrinews.kz елорданың ТЖД баспасөз қызметіне сілтеме жасап.
Баспасөз қызметінің мәліметінше, 22 шілдеде сағат 15.38-де Астана ТЖД Өрт сөндіру қызметінің 101 пультіне Сығанақ 5, "Жеті бөшке" ТК-де өрт болып жатқаны туралы хабарлама келіп түскен.
"Оқиға орнына барған кезде 16 қабатты №5 үйде 12-ден 15-қатқа дейін жылытқыш қаптаманың өртеніп жатқаны анықталды. Өрт сөндірушілер оқиға орнына 4 минуттан соң жетті, жедел әрекеттердің арқасында өрт таралып кеткен жоқ", - деді ТЖД өкілдері.
Баспасөз қызметінің мәліметінше, өрт сағат 16.30-да ауыздықталған. Өртті сөндіруге 6 техника мен жеке құрамнан 29 адам жұмылдырылды. "Қазір өрт сөндірушілер оқиға орнында жұмыс істеп жатыр. Зардап шеккендер мен қаза тапқандар жоқ. Өрттің шығу себебі анықталып жатыр", - деп жазылған хабарламада.
