+7 (777) 001 44 99
Қазақша
Русский
English
Астанада көпқабатты үйдің жанынан 19 жастағы жігіттің денесі табылды. Марқұмның анасы әлеуметтік желіде үндеу жасады. Полицейлер ақпаратқа қатысты пікір білдірді, - деп хабарлайды Tengrinews.kz тілшісі.
Әйел баласын өлтіргенін айтып, видео-үндеу жасады.
"Төрт адам 19 жастағы ұлымды өлтіріп, тоғызыншы қабаттан лақтырып жіберген. Заң қайда? Бұлай жалғаса берсе, елімізде жастар қалмайды. Төрт балам бар. Балам темекі шекпейтін, ішпейтін, академияда оқыды. Қазір оны ішкендей етіп көрсеткісі келеді. Мені ешкім тыңдамайды. Қылмыскерлер заң бойынша жазаланғанын қалаймын", - дейді әйел.
Астана Полиция департаменті мәліметінше, 13 қазанда көпқабатты үйдің жанынан 19 жастағы жігіттің денесі табылған. Марқұмның жеке басы анықталды. "Алматы" ауданының полиция басқармасы өлім дерегі бойынша қылмыстық іс қозғады. Астана полиция департаменті қазіргі уақытта оқиғаның барлық мәліметі белгіленіп жатқанын айтты.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
