+7 (777) 001 44 99
Қазақша
Русский
English
Астанада дрифт жасаған жүргізуші ұсталды. Оқиға видеосы әлеуметтік желілерде тарап кеткен, - деп хабарлайды Tengrinews.kz тілшісі.
Астаналық 20 жастағы жүргізуші өзінің көлігімен жасаған маневрлерін видеоға түсіріп, кейіннен ол желіде жарияланған. Полицейлер көлік жүргізушісінің жеке басын анықтады.
"Әлеуметтік желілерге жүргізілген мониторинг барысында Toyota автокөлігінің жүргізушісі жол қозғалысы ережелерін бұзып, қоғамдық тәртіпке нұқсан келтіргені анықталды. Осыған байланысты оған қатысты әкімшілік хаттама толтырылды. Жүргізушіге мына баптар бойынша айып тағылды: "Қауіпсіздік белдігін тақпау", "Апаттық жағдай туғызу", "Маневр жасау ережелерін бұзу".
Сот шешімі бойынша, жүргізуші ұсақ бұзақылық жасағаны үшін кінәлі деп танылып, 15 тәулікке әкімшілік қамауға алынды, – деп хабарлады полиция департаменті.
Астана полициясы мұндай әрекеттердің жол қозғалысына қатысушылардың өмірі мен денсаулығына қауіп төндіретінін, сондай-ақ ауыр әкімшілік жауапкершілікке әкелетінін ескертті.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
