+7 (777) 001 44 99
Қазақша
Русский
English
Инвестиция және даму министрі Жеңіс Қасымбек Астананың орталық базарында екі жасар қыздың эскалаторға қысылып қалуына байланысты пікір білдірді, - деп хабарлайды Tengrinews.kz тілшісі.
"Эскалаторға қатысты біз жіті тексеру шараларын жүргіземіз. Жауаптының кім екені анықталады, эскалаторларды жөндеу мерзімі техниканың түріне байланысты, мерзімі техниканың қолданысына байланысты. Алғашқы мәлімет бойынша бұл техника ескі болмаған, ол бастапқыда құжатта көрсетілген мерзім бойынша қолданыста болған", - деді министр.
Кеше, 22 мамырда Астанадағы орталық базарда екі жасар қыз эскалаторға қысылып қалған еді. Оқиға орнына жеткен жедел жәрдем қызға медициналық көмек көрсетіп, шұғыл түрде №2 Қалалық балалар ауруханасына жеткізді. Жантүршігерлік оқиғаның видеосын әлеуметтік желі қолданушылары таратып жатыр.
