+7 (777) 001 44 99
Қазақша
Русский
English
Нұра ауданындағы тұрғын үй кешендерінің бірінде күтпеген оқиға болды. Бір адам лифт ішінде қамалып, ал екіншісі лифт шахтасына түсіп кеткен. Құтқарушылар екеуін де шығарып алды, - деп хабарлайды Tengrinews.kz тілшісі.
ТЖД мәліметінше, лифттегі оқиға 4 қарашада сағат 5:11-де болған.
Құтқарушылардың дерегінше, тұрғын үй кешеніндегі лифт ішінде бір адам қалып қойған. Сонымен қатар, лифт механизмінде қысылып, жарақат алуы мүмкін адам туралы ақпарат түскен.
Әлеуметтік желіде оқиға сәті түсірілген видео жарияланды.
"Жедел-құтқару жасағының құтқарушылары құралдардың көмегімен лифт есігін ашып, 1994 жылы туған ер адамды шығарды. Сонымен қатар, лифт қызметі өкілдерімен бірлесе отырып, 1987 жылы туған ер адамды лифт шахтасынан көтеріп шығарды. Ол медицина қызметі бригадасына тапсырылды", - деп хабарлады ТЖД.
Tengrinews.kz редакциясы бұл жағдайға қатысты пікір алу үшін Денсаулық сақтау министрлігіне жүгінді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
