+7 (777) 001 44 99
Қазақша
Русский
English
Қазақша
Русский
English
Астанада көпқабатты үйлердің біріндегі өрт кезінде куәгерлер белгісіз ер адамның ержүрек әрекетін видеоға түсіріп алды. Оның арқасында бала құтқарылды, - деп хабарлайды Tengrinews.kz тілшісі.
Әлеуметтік желіде жарияланған жазбада ер адам ешқандай сақтандырусыз балконнан өртеніп жатқан пәтердің терезесіне кіріп бара жатқаны байқалады. Осыдан кейін дәрменсіз 15 жасар қызды өртсөндірушілерге тапсырды.
ТЖД мәліметінше, бүгін таңертең Сығанақ көшесіндегі 12 қабатты тұрғын үй кешенінде өрт шыққан. Жоғарғы қабаттардың біріндегі пәтерде жиһаздар мен заттар өртенген.
"МӨС-3 аға инженері азаматтық қорғау капитаны Серік Рахымжанов пен азаматтық тұлға 2009 жылы туған қызды құтқарды. Азаматтық тұлғаның деректері белгіленеді. Ер адам көрші пәтерден балкон арқылы кіріп, қызды газ-түтіннен қорғау қызметіне тапсырды", - деп хабарлады ТЖД.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
