Астанада қалыңдық пен күйеу жігіт үйлену тойындағы серуенде бір әйелді ұрып-соқты

29 Қыркүйек 2015, 19:03
0
Астанада қалыңдық пен күйеу жігіт үйлену тойындағы серуенде бір әйелді ұрып-соқты - © Tengrinews.kz
© Tengrinews.kz

Астанада үйлену тойындағы серуен кезінде қалыңдық пен күйеу жігіт саябақта әйелді соққыға жықты, - деп хабарлайды Tengrinews.kz тілшісі.

Астанадағы аудандық прокуратура оқиғаның мән-жайын хабарлады. Оқиға биыл жазда Бауыржан Момышұлы даңғылындағы саябақта болған. Осы уақытта сол жерде "Астана Зеленстрой" ЖШС қызметкерлері жұмыс істеп жатады. "Ішімдік ішіп алған күйеу жігіт бұзақылық әрекетке барды. (...) Ол жерде тұрған жәшіктерді тепкілеп, өзін тоқтатпақ болған жұмысшыларға былапыт сөз айтқан", - деді Алматы аудандық прокуратураның тергеу бөлімінің бастығы Әрсен Бегалин.

Прокуратура өкілінің айтуынша, мұны көріп тұрған қалыңдық жанжалға араласа бастаған. Айта кетейік, ол да ішімдік ішкен болып шықты. "Қалыңдық та жұмысшыларға былапыт сөз айтқан. Ол жұмысшылардың бірін ұрып жіберген. Салдарынан жұмысшы әйел құлап, оң аяғы жарақаттанады. Осыдан кейін екеуі де оқиға болған жерден қашып кетті", - деді Әрсен Бегалин.

Ол жас жұбайлардың үстінен ҚР ҚК 293-бабы, 2-бөлімі және 107-бабы, 2-бөлімі - "бұзақылық және бұзақылық әрекет арқылы денсаулыққа орташа зиян келтіру" бойынша қылмыстық істің қозғалғанын айтты. Қылмыстық іс Астананың аудандық сотына жолданды.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай